Ադրբեջանում ՌԴ քաղաքացիություն ունեցող ազգությամբ հայ ամուսիններ են ձերբակալվել
Երկու հայ է ձերբակալվել Ադրբեջանի Չայքենդ գյուղում։ Այս մասին տեղեկացնում են մի շարք ադրբեջանական լրատվամիջոցներ: Տարածված տեղեկությունների համաձայն՝ ՌԴ քաղաքացի, ազգությամբ հայ ամուսիններն ուշադրություն են գրավել, երբ սկսել են լուսանկարել գյուղը: Ձերբակալման ժամանակ է պարզվել, որ նրանք ազգությամբ հայ են, բայց ռուսական անձնագրեր ունեն: Ամուսինները որպես զբոսաշրջիկ իջևանել են Գյանջայում՝ Գանձակում: Հայազգի ամուսիների մասին այլ տեղեկություն չի հաղորդվում:
