Թուրքիայում տեղակայված С-400 համալիրների արբանյակային լուսանկարները համացանցում են

Ռուսական С-400 զենիթահրթիռային համալիրների 3 արձակման կայանքները ենթադրաբար տեղակայվել են Անկարայից ոչ հեռու տեղակայված թուրքական «Մյուրթեդ» ավիաբազայում: Այս մասին են վկայում օգոստոսի 29-ին արված արբանյակային լուսանկարները, որոնք սեպտեմբերի 3-ին հրապարակվել են իսրայելյան ISI ընկերության Twitter-յան էջում։

Այս մասին հայտնում է Tert.am-ը։

Լուսանկարներին կից մեկնաբանությունը հավաստում է, որ С-400 համալիրների ռադարները գտնվում են աշխատանքային ռեժիմում, չնայած այն հանգամանքին, որ արձակման կայանքները դեռևս լիցքավորված չեն:

Կազմակերպության ենթադրությունների համաձայն՝ թուրք զինվորականները փորձարկում են С-400 զենիթահրթիռային համալիրները՝ նախքան դրանց լիարժեք գործարկումը:

Նշենք, որ ռուսական հակաօդային պաշտպանության համակարգերի գնումը ՆԱՏՕ-ի անդամ Թուրքիայի կողմից միջազգային սկանդալ է հրահրել. 

Միացյալ Նահանգները պահանջում է հրաժարվել գործարքից և փոխարենը ձեռք բերել ամերիկյան Patriot համակարգեր: Հրաժարվելու դեպքում Վաշինգտոնը հետևանքներով է սպառնացել:

Ռուսաստանի Դաշնության և Թուրքիայի միջև С-400 համակարգերի գնման շուրջ բանակցությունների մասին առաջին անգամ հայտնի էր դարձել 2016թ.-ի նոյեմբերին, իսկ վաճառքի մասին պայմանագիրը կնքվել էր 2017թ.-ի սեպտեմբերին, ընդ որում՝ ձեռք բերված զենիթահրթիռային 4 միավոր համակարգերի արժեքը 2,5 մլրդ դոլար է կազմել: 

Լուսանկարներ՝