«Արցախը Հայաստանն է» Փաշինյանի հայտարարությունը՝ Զախարովայի մեկնաբանմամբ

Ռուսաստանի ԱԳՆ պաշտոնական ներկայացուցիչ Մարիա Զախարովան Մոսկվայում՝ ճեպազրույցի ժամանակ, ադրբեջանցի լրագրողի խնդրանքով մեկնաբանել է Հայաստանի վարչապետ Նիկոլ Փաշինյանի այն հայտարարությունը, թե «Արցախը Հայաստանն է»:

«Մենք ելնում են այն բանից, որ, անկասկած, կա ներքին հռետորաբանություն, ներքին կարգավորումներ, որոնք արտացոլում են քաղաքական շարժումների, կուսակցությունների տեսակետը՝ հաշվի առնելով, որ մենք խոսում են ժողովրդավար պետության մասին: Եվ կա այդ խաղաղ գործընթացը, որտեղ կան գործընթացի մասնակիցներ,  միջազգային ջանքեր՝ խաղաղ կարգավորման հասնելու համար: Եվ, անկասկած, մենք ելնում ենք այն բանից, որ կողմերի հայտարարությունները պետք է տեղավորվեն համընդհանուր ջանքերի ընդհանուր կոնտեքստի մեջ, որոնք էլ ուղղված են խաղաղ կարգավորմանը»,- ասել է Զախարովան:

Նրա խոսքերով՝ հայտարարություններից հետո շատ դժվար է բանակցային պրոցեսում վերադառնալ նախկին դիրքերին:

«Նման հայտարարություններ, ցավոք, լսել ենք տարբեր մակարդակներում, տարբեր կողմերից: Շատ կցանկանայինք, որ բոլոր կողմերը ելնեին գլխավորից՝ խաղաղ կարգավորման շուտափույթ կարգավորումից»,- ասել է Զախարովան: