Բողոքի ակցիա Երեւանի թիվ 16 հատուկ դպրոցում
Երևանի թիվ 16 հատուկ դպրոցի ծնողները բողոքի ակցիա են իրականացնում ընդդեմ դպրոցի փակման: Նրանք բողոքում են` դպրոցի փակման դեմ: Որոշման մասին ծնողները ծանուցվել են բանավոր, իսկ աշխատակազմը դպրոցի փակվելու մասին տեղեկացվել է մեկ օր առաջ:
Կրթության, գիտության, մշակույթի, սպորտի և երիտասարդության հարցերի նախարարության հանրակրթության վարչության պետ Աշոտ Արշակյանն ասել է, որ դպրոցը չի լուծարվում: «Հանրակրթության մասին» օրենքի համաձայն՝ անցում է կատարվում համընդհանուր ներառման: Երևանյան դպրոցներն այս տարի պետք է անցնեն դրան: Լինելու են բժշկամանկավարժական-հոգեբանական կենտրոններ: Դպրոցը շարունակելու է գործել մինչ կառավարության որոշման ընդունումը»,- ասել է նա։
