Օգոստսոսի 30-ին ոստիկանության Էրեբունու բաժնի քրեական հետախուզության բաժանմունքի ծառայողները բերման են ենթարկել Երևան քաղաքի բնակիչ 50-ամյա Հարություն Համբարձումյանին:

Shamshyan.com-ի փոխանցմամբ՝ նրա նկատմամբ հարուցվել է քրեական գործ՝ ՀՀ քր օր-ի 177 հոդվածւի 3-րդ մասի 1-ին կետի հատկանիշներով: Քննիչի որոշմամբ Հ. Համբարձումյանը ձերբակալվել է: Այս տարվա օգոստոսի 22-ին ոստիկանություն է դիմել Իրանի Իսլամական Հանրապետության քաղաքացի, 47-ամյա Մոհսեն Հասսան Թոուփչհիփուր Արդալիինը և հայտնել, որ նույն օրը՝ ժամը 13:30-ից  14:30-ն ընկած ժամանակահատվածում, Արցախի փողոցի 42 հասցեում գործող «Արիա Էսթիլ» ՍՊԸ-ի իր աշխատասենյակից անհայտ անձը կամ անձինք գողացել են 3 մլն 500 հազար դրամ և 14 հազար 500 դոլար: Ֆոտոլրագրողի տեղեկություններով՝ իրանցին նշված ՍՊԸ-ի տնօրենն է, իսկ գումարը աշխատասենյակում եղել է պահարանում՝ սև պայուսակի մեջ: Կասկածյալ Հ. Համբարձումյանին Էրեբունու ոստիկանները հայտնաբերել են Նոր Նորք վարչական շրջանում: