Գյումրիի քաղաքային աղբանոցում հայտնաբերվել է երեխայի դի. SHANTNEWS.am
Գյումրիի քաղաքային աղբանոցում երեխայի դի է հայտնաբերվել։ Այս մասին հայտնում է SHANTNEWS.am-ի թղթակիցը։ Մահացած փոքրիկին գտել է աղբավայրում պոլիէթիլենային շշեր հավաքող մի տղամարդ։ Վերջինս պատմել է, որ աղբատար մեքենաներից մեկը քաղաքի թաղամասերից հավաքած աղբը դատարկելուց հետո մոտեցել է, որպեսզի իրեն պետքական իրերն առանձնացնի և դուրս է բերել մահացած երեխային:
Նրա ահազանգով տարածք է եկել օպերատիվ քննչական խումբը, քննչական գործողություններից և զննությունից հետո պարզել են, որ մահացածը աղջիկ երեխա է ՝ մոտ 1 ու կես տարեկան։ Հարուցվել է քրեական գործ, որի շրջանակներում դատաբժշկական փորձաքննությունը կպարզի՝ երեխան աղբարկղում է հայտնվել մահացա՞ծ, թե՞ մահացել է այդտեղ բերվելուց հետո:
Շիրակի մարզի դատախազը SHANTNEWS.am-ի թղթակցի հետ զրույցում հայտնել է, որ արդեն աշխատանքներ են տարվում երեխայի ինքնությունը պարզելու ուղղությամբ: Կարեն Գաբրիելյանը նաև նշել է, որ վերջին շաբաթներին այս տարիքի երեխայի անհետանալու մասին ոստիկանությունում հայտարարություն չի եղել։ Նշենք նաև, որ այդ ժամերին մեքենան 8-րդ զինվորական և Սևերսկի թաղամասերից հավաքած աղբն է տեղափոխել քաղաքային աղբանոց:
