Եվրո 2020-ի ընտրական փուլի Հայաստան-Իտալիա հանդիպման 11 հազար տոմս արդեն վաճառվել է: Այս մասին հայտնում է Հայաստանի ֆուտբոլի ֆեդերացիայի մամուլի ծառայությունը: Դրանք վաճառվում են  օգոստոսի 26-ից, եւ այսքանն իրացվել է 4 օրում: Ընդհանուր առմամբ վաճառքի հանվել է Երեւանի Վազգեն Սարգսյանի անվան «Հանրապետական» մարզադաշտի 14 500 տոմս:

Տոմսեր կարելի է ձեռք բերել «Հանրապետական» մարզադաշտի՝ Վրացյան եւ Չարենցի փողոցներում տեղակայված տոմսարկղերից։

 Տոմսարկղերը կգործեն ամեն օր ժամը 12։00-ից 20։00-ը։ Արեւմտյան տրիբունայի կենտրոնական հատվածի տոմսերն արժեն 12000, արեւմտյան տրիբունայի կողային հատվածներինը՝ 10000, արեւելյան տրիբունայի կենտրոնական հատվածինը՝ 6000, արեւելյան տրիբունայի կողային հատվածներինը՝ 3000, հյուսիսային եւ հարավային տրիբունաներինը՝ 1000 դրամ:

Ընտրական J խմբի 5-րդ տուրի Հայաստան-Իտալիա խաղը կկայանա սեպտեմբերի 5-ին: Կսկսվի 20:00-ին: 3 օր անց ՀՀ ընտրանին կհյուրընկալի Բոսնիա եւ Հերցեգովինային: