Վերջին 2 ամսում Ստրոմբոլիի հրաբուխը ժայթքում է երկրորդ անգամ
Իտալական Ստրոմբոլի կղզում հրաբուխ է ժայթքել՝ վերջին 2 ամիսների ընթացքում արդեն երկրորդ անգամ:
Հրշեջներն ինքնաթիռների միջոցով փորձել են հանգցնել հոսող լավայի առաջացրած հրդեհները:
Հուլիսի 4-ին տեղի ունեցած ժայթքման հետևանքով իտալացի 1 լեռնագնաց էր զոհվել:
Ստրոմբոլի կղզին շուրջ 500 բնակիչ ունի և գտնվում է Սիցիլիայի հյուսիսում: Չնայած ակտիվ հրաբուխներին՝ կղզին ընդունում է բավական մեծ թվով զբոսաշրջիկների:
