Արցախի հարցի հետագա «հումանիզացիայի» գործընթացն անկասելի է. Լիլիթ Մակունց
Լիլիթ Մակունը իր ֆեյսբուքյան էջում անդրաարձել է Ազգային Ժողովում՝ ՀՀ դիվանագիտական կորպուսի ներկայացուցիչների հետ հանդիպման ելույթին:
Այսօրվա ելույթս Ազգային Ժողովում՝ ՀՀ դիվանագիտական կորպուսի ներկայացուցիչների հետ հանդիպման ժամանակ:
«Խորհրդարանական դիվանագիտության համատեքստում անդրադառնալով ղարաբաղյան հակամարտության և խաղաղ բանակցային գործընթացին` հարկ եմ համարում նշել, որ Արցախը մեզ համար նախ և առաջ իրենց բնօրրանում ապրող մեր հայրենակիցներն են և նրանց անվտանգության ապահովումը: Մենք շարունակելու ենք խորհրդարանական դիվանագիտության բոլոր հարթակներում խոսել Արցախում ապրող մեր հայրենակիցների ինքնորոշման իրավունքի և էքզիստենցիալ անվտանգության հարցերի մասին: Արցախի հարցի հետագա «հումանիզացիայի» գործընթացն անկասելի է:
Մենք շարունակ շեշտում ենք, որ ՀՀ-ն հանդիսանում է Արցախի անվտանգության երաշխավորը և այստեղ երկրորդ կարծիք լինել չի կարող, բայց ես ցանկանում եմ նաև ընդգծել, որ Արցախն էլ իր հերթին մեր, որպես հայ ազգի, հավաքական անվտանգության երաշխավորն է»:
