Մտածելու շատ բան կա. Նիկոլ Փաշինյանը՝ «Էլարդ»-ի հետ Skype-կոնֆերանսի մասին

ՀՀ վարչապետ Նիկոլ Փաշինյանը «Էլարդ» կազմակերպության հետ կոնֆերանս է ունեցել: Այս մասին նա հայտնել է ֆեյսբուքյան իր էջում:

««Էլարդի» հետ Skype-կոնֆերանսը տեղի ունեցավ: Քանի որ նկարահանվել է մի քանի տեսախցիկից, նյութի մոնտաժումը կտևի մի քանի ժամ:

Ինչպես և պայմանավորվել էինք, խոսակցությունն ամբողջությամբ կհրապարակվի: Մտածելու շատ բան կա: Նյութը կնայեք, կխոսենք»,-նշել է նա:

Ավելի վաղ Փաշինյանը հայտնել էր, որ կառավարության պատվերով Ամուլսարում համալիր փորձաքննություն իրականացրած «Էլարդ» ընկերության կազմակերպիչների հետ կոնֆերանս է ունենալու:

Հիշեցնենք, որ «Էլարդ»-ի եզրակացությունը, որի համար պետությունը 400 հազար դոլար է տվել, տարբեր խմբերի կողմից քննադատվել է, ակցիաներ են տեղի ունեցել Ամուլսարի հանքի շահագործման դեմ: