Մեր երկրի վարկային բեռը զգալիորեն ավելանալու է. Սուրեն Պարսյան

Տնտեսագետ Սուրեն Պարսյանը գրառում է կատարել իր ֆեյսբուքյան էջում` անդրադառնալով «Մուդիզ» վարկանշային գործակալության` Հայաստանի վարկանիշը բարձրացնելու մասին ՀՀ վարչապետ Նիկոլ Փաշինյանի գրառմանը.

Ներկայացնենք գրառումն ամբողջությամբ.

«Երեկ վարչապետ Նիկոլ Փաշինյանը հայտարարեց, որ «Մուդիզ» միջազգային վարկանիշային կազմակերպությունը բարձրացրել է Հայաստանի սուվերեն վարկանիշը՝ «B1»-ից դարձնելով «Ba3»: Սա գնահատելով որպես կարևոր իրադարձություն, որը մեծացնում է միջազգային վստահությունը Հայաստանի տնտեսության նկատմամբ և էականորեն բարելավում մեր երկրի ներդրումային գրավչությունը:Անշուշտ, սա ողջունելի երևույթը է, քանի որ դրանով բարձր է գնահատվում մեր երկրի վարկունակությունը այս պահի դրությամբ: Այնուամենայնիվ, «Ba3» վարկանիշը բացառիկ չէ մեր երկրի ֆինանսական պատմության մեջ, հիշեցնեմ, որ 2006 թվականի ունեցել ենք «Ba2» վարկանիշ, իսկ ոչ հեռավոր անցյալում՝ 2015 թվականին, դարձյալ գրանցել ենք նույն «Ba3»-ը (https://countryeconomy.com/ratings/armenia):Երկրի վարկունակությունը շատ արագ է փոփոխվում, վստահաբար կարելի է կանխատեսել, որ այս տարվա վերջ և մյուս տարվա ընթացքում մեր երկրի վարկային բեռը զգալիորեն ավելանալու է, ինչի արդյունքում կրկնին կվերանայվի մեր «Մուդիզ» վարկանիշը»: