«Մաեստրո Մանսուրյան-80» սպասվող համերգաշարին ընդառաջ հուշամեդալներ են թողարկել

Տիգրան Մանսուրյանի հոբելյանին նվիրված «Մաեստրո Մանսուրյան-80» համերգաշարին ընդառաջ հուշամեդալներ են թողարկել։

 Այսօր լրագրողների հետ հանդիպման ընթացքում հուշամեդալների առաջին նմուշը տվեցին մաեստրոյին, որպեսզի նա նվիրի ասուլիսին ներկաներին։

 Մանսուրյանը, տեսնելով հուշամեդալը, հուզվեց՝ ասելով «Աննման են»։ 

Խոսելով իր տարիքից՝ Մանսուրյանն ասաց, որ ինքը դրսից է 80 տարեկան։

«Ներսից ոչ 80 եմ, ոչ էլ դրա ժամանակն ունեմ»,- ավելացրեց Մանսուրյանը։

Համերգաշարը կազմակերպում է Երեւանի քաղաքապետարանը՝ ՀՀ Կրթության, գիտության, մշակույթի եւ սպորտի նախարարության աջակցությամբ։

Մանսուրյանի հոբելյանին նվիրված միջոցառումների շրջանակում համերգներ են նախատեսված Երեւանում, Ստեփանակերտում եւ Գյումրիում։
Ասուլիսին մասնակցում էին ՀՀ ժողովրդական արտիստ Տիգրան Մանսուրյանը, ՀՀ ԿԳՄՍ նախարար Արայիկ Հարությունյանը, Երևանի քաղաքապետ Հայկ Մարությանը և Հայաստանի պետական սիմֆոնիկ նվագախմբի գեղարվեստական ղեկավար եւ գլխավոր դիրիժոր Սերգեյ Սմբատյանը: