Լևոն Արոնյանի և Դինգ Լի Ժենի մրցախաղը ավարտվել է ոչ-ոքի
Ամերիկյան Սենթ Լուիսում ավարտին է մոտենում Grand Chess Tour Sinquefield Cup 2019 շախմատային գերմրցաշարը: Նախավերջին՝ 10 -րդ տուրում Լևոն Արոնյանը սև խաղաքարերով մրցել է առաջատարներից Դինգ Լի Ժենի հետ: Պարտիան ավարտվել է ոչ-ոքի:
Մյուս պարտիաներից երկուսն են ավարտվել հաղթանակով:
Մագնուս Կարլսենը պարտության է մատնել Ուեսլի Սոին, իսկ Վաշյե-Լագրավը` Յան Նեպոմնյաշչիին:
Արոնյանը մրցաշարի ավարտից մեկ տուր առաջ Ուեսլի Սոի հետ կիսում է վերջին երկու տեղերը: Վերջին տուրում այս երկու շախմատիստները կխաղան միմյանց հետ:
Արոնյանը հանդես կգա սև խաղաքարերով:
