Ես կողմ եմ, որ Ամուլսարը շահագործեն առանց նոր փորձաքննության. «Իմ քայլը» խմբակցության պատգամավոր Հայկ Գևորգյան

Ես կողմ եմ, որ Ամուլսարը շահագործեն առանց նոր փորձաքննության: Այս մասին այսօր լրագրողների հետ զրույցում ասաց ԱԺ «Իմ քայլը» խմբակցության պատգամավոր Հայկ Գևորգյանը՝ անդրադառնալով Ամուլսարի շահագործմանը:

Փորձաքննության վերաբերյալ պատգամավորը նշեց, որ շատ նեղ մասնագիտական խնդիր է, բայց իր կարծիքով՝ փորձաքննության անհրաժեշտություն չկա:

«Ես կողմ եմ, որ Ամուլսարը շահագործեն առանց նոր փորձաքննության»,- ասաց Գևորգյանն ու հավելեց, որ հիմա  բոլոր փաստերը բավարար են շահագործման համար:

Գևորգյանը հիշեցրեց՝ վարչապետն արդեն ասել է, որ փաստերն ուղարկվել են Շրջակա միջավայրի նախարարություն, որպեսզի պարզվի՝ Էլարտի լրացուցիչ փորձաքննության արդյունքում նոր ՇՄԱԳ-ը պարտադիր է, թե ոչ:

Հիշեցնենք, որ «Իմ քայլը» խմբակցությունում տարբեր են տեսակետներն այս հարցի լուրջ:

Հիշեցնենք նաև, որ մինչև սեպտեմբերի 4-ը Շրջակա միջավայրի նախարարությունը որոշում կկայացնի, թե արդյոք Ամուլսարի շահագործման դեպքում շրջակա միջավայրի վրա ազդեցության գնահատման նոր փորձաքննություն իրականացնելու անհրաժեշտություն կա՞, թե՞ ոչ՞:

Օրերս վարչապետ Նիկոլ Փաշինյանը ֆեյսբուքյան իր էջում գրել էր, որ կառավարության աշխատակազմը «Էլարդի» եզրակացությունն ուղարկել է Շրջակա միջավայրի նախարարություն՝ պարզելու համար արդյո՞ք եզրակացության մեջ կան տվյալներ, որոնք Հայաստանի օրենսդրության համաձայն՝ Ամուլսարի հանքի շահագործման համար Շրջակա միջավայրի ազդեցության նոր գնահատում իրականացնելու անհրաժեշտություն են առաջացնում։