Բենզինը էժանացել է 10 դրամով, դիզվառելիքը՝ 20 դրամով
Հայաստանում վերջին օրերին բենզինի գինը նվազել է, մասնավորապես «ռեգուլյար» տիպի բենզինի մեկ լիտրը ձեռք բերել 420 դրամով, «պրեմիում» տեսակի բենզինը 440 դրամով, դիզելային վառելիքի գինը՝ 430 դրամ։ Վերջին 3-4 օրերի ընթացքում բենզինի երկու տեսակների գները նվազել են 10 դրամով, իսկ դիզվառելիքինը՝ 20 դրամով։
Այս մասին հաղորդում է Armdaily.am -ին:
Ընդ որում ՝ՀՀ վիճակագրական կոմիտեի տվյալների համաձայն՝ այս տարվա մայիսին, ապրիլի համեմատ, հանրապետությունում գրանցվել է բենզինի՝ 2.7 և դիզելային վառելիքի՝ 3.1 տոկոս գնաճ: Հուլիսին մեկ լիտր ռեգուլյար տեսակի բենզինը հանրապետության բենզալցակայաններում վաճառվում է 430 դրամով, իսկ պրեմիումը՝ 450 դրամով, այն դեպքում, երբ ռեգուլյար տեսակի բենզինի մեկ լիտրը ապրիլին արժեր 410 դրամ: Այսինքն՝ մեկ ամսվա ընթացքում այն թանկացել է 20 դրամով: Ինչ վերաբերում է դիզելային վառելիքին, ապա մայիսին, նախորդ տարվա դեկտեմբերի համեմատ, այն թանկացել է 1.9 տոկոսով:
«Կարծում եմ բենզինի գների նվազումը կարող է պայմանավորված լինել նրանով, որ տարբեր ընկերություններ կամ անձինք սկսել են բենզին ներկրելՀայաստան, մի բան, որ նախկինում բացառվում էր։ Այսինքն, շուկայի ազատականացումը հանգեցրել է մրցակցության բարձրացման ինչի հետևանքով էլ գները նվազում են»,-նշում է Շուկայի վերահսկողության տեսչական մարմնի ղեկավար Արմեն Կոտոլյանն:
