Թուրքիայի քաղաքականությունը սպառնալիք է տարածաշրջանային անվտնագության համար․ Զոհրաբ Մնացականյան

Թուրքիայի քաղաքականությունը շարունակում է սպառնալիք մնալ Հայաստանի անվտնագության համար: Այս մասին  ելույթ ունենալով դեսպանների եւ դիվանագիտական գերատեսչությունների ղեկավարների հավաքի ժամանակ ասաց արտաքին գործերի նախարար Զոհրաբ Մնացականյանը:

Նրա խոսքով դա պայմանավորված է Հայաստանի հետ հարաբերությունները կարգավորելու Թուրքիայի մերժմամբ, Հայաստանի շարունակվող տնտեսական շրջափակումով, Հայոց ցեղասպանության շարունակական ժխտումով, իսկ վերջին շրջանում արդեն ցեղասպան գործողությունների արդարացմամբ:

«Դա եւ Ադրբեջանին Ղարաբաղյան հակամարտության շրջանակում  անվերապահ եւ բացահայտ աջակցությունը ստեղծում են Հայաստանի համար անվտանգության լուրջ սպառնալիք»,-ասաց նա՝ հավելելով, որ Հայաստանի քաղաքականությունը ենթադրում է  հակազդեցության միջոցներ: