ՊԵԿ-ը զերծ կմնա տուգանքներից նոր սերնդի ՀԴՄ սարքի համար դիմած տնտեսվարողների նկատմամբ. գործարար

«Կասեցում» քաղաքացիական շարժման ղեկավար, գործարար Սամսոն Գրիգորյանը ֆեյսբուքյան իր էջում գրել է. «Աշխատեʹք պարոնայք և տիկնայք տնտեսվարողներ, հանգիստ աշխատեʹք։ 
     Քիչ առաջ ավարտվեց մեր հանդիպումը ՊԵԿ ղեկավար պրն Դավիթ Անանյանի հետ։ Շատ չխորանալով մանրամասների մեջ՝ միայն կասեմ, որ այսուհետ ՊԵԿ-ը կշարունակի վերահսկել, բայց զերծ կմնա տուգանքներից նոր սերնդի ՀԴՄ սարքի համար դիմած տնտեսվարողների նկատմամբ։ 
     Ամեն դեպքում հորդորում եմ բոլորին, հայտարարագրել եկամուտները և վճարել հարկերը։ Նոր բացվող բիզնեսները պետք է անպայման նոր սերնդի ՀԴՄ սարք ստանալու հայտ ներկայացնեն։ 
     Լիահույս ենք, որ անհատները մինչ Սեպտեմբեր ամսվա վերջ արդեն կսկսեն ներկրել սարքերը։ 
     Շնորհակալ ենք Վարչապետ պրն Փաշինյանին, ՊԵԿ նախագահ պրն Դավիթ Անանյանին, ԱԺ պատգամավոր Սիսակ Գաբրիելյանին, խնդրին օպերատիվ արձագանք և լուծում տալու համար»։