ՏԵՍԱՆՅՈՒԹ․ 16-ամյա տղան Սուրբ Սարգիս եկեղեցու մոտակայքում հափշտակել էր բջջային հեռախոս
Օգոստոսի 20-ին ոստիկանություն զանգահարած քաղաքացին հայտնել է, որ Երեւանի Սուրբ Սարգիս եկեղեցու մոտակայքում հարվածել են իրեն եւ հափշտակել գումար, բջջային հեռախոս ու փախել:
Ոստիկանության Կենտրոնական բաժնում ստացված տեղեկություններն իրացնելով ոստիկանության պարեկապահակետային ծառայության գնդի աշխատակիցները օպերատիվ գործողությունների շնորհիվ հանցագործությունը «տաք հետքերով» բացահայտեցին:
Նույն օրը կողոպուտը կատարելու կասկածանքով Մաշտոցի պողոտայից ոստիկանություն բերման ենթարկվեց 16-ամյա մի պատանի:
Նա խոստովանել է կատարածը:
Գողոնն առգրավվել է:
Կատարվում է հետաքննություն:
