Մտահոգությունը, որ փոշին կհասնի Ջերմուկին, հիմնավորված չէ. Յուրա Իվանյան
Փորձագետները եկել են այն եզրահանգման, որ Ամուլսարի հանքի շահագործման հետևանքով օդի որակի մասով ծրագրի ազդեցությունը կառավարելի է։ Այս մասին քիչ առաջ լրագրողների հետ զրույցում ասաց ՀՀ քննչական կոմիտեի Ամուլսարի գործով քննչական խմբի ղեկավար Յուրա Իվանյանը։
«Կենսաբազմազանգության վրա ազդեցությունը գնահատվել է բավարար, իսկ ինչ վերաբերում է օդի որակի գնահատմանը, ապա փորձագետները չեն հայտնաբարվել լուրջ խնդիրներ, որոնք հնարավոր չէ մեղմել։ Այսինքն՝ օդի որակի մասով ծրագրի ազդեցությունը կառավարելի է, այն բոլոր մտահոգությունները, որ փոշին կհասցնի հարակից բնակավայրերին, այդ թվում՝ Ջերմուկին, չեն հիմնավորված»,-նշեց Իվանյանը։
Լրագրողները Յուրա Իվանյանից հետաքրքրվեցին՝ արդյոք փորձաքննությունն առանձին է իրականացվել, թե դրա հիմքում ընկած են եղել «Լիդիան Արմենիա» ընկերության փորձագիտական նյութերը։
Յուրա Իվանյանը պատասխանեց՝ փորձագետներին չեն տրամադրվել միայն շրջակա միջավայրի վրա ազդեցության գնահատման (ՇՄԱԳ) և Բնապահպանական և սոցիալական ազդեցության գնահատման (ԲՍԱԳ) հաշվետվությունները։ Տրամադրվել են ամենատարբեր հետազոտություններ և ուսումնասիրություններ։
Հիշեցնենք, որ օգոստոսի 14–ին Քննչական կոմիտեն հրապարակեց Ամուլսարի ոսկեբեր քվարցիտների հանքավայրի շահագործման հետ կապված համալիր փորձաքննության արդյունքները։
