Ֆրանսիացի ռեփերի տեսահոլովակի նկարահանումներից հետո կրակոցներ են հնչել. կան տուժածներ
Ֆրանսիայում՝ Փարիզի արվարձաններում, ռեփեր Booba-ի տեսահոլովակի նկարահանումների ժամանակ կրակոցներ են հնչել: Դեպքը տեղի է ունեցել երեկոյան՝ այն ժամանակ, երբ արտիստն արդեն հեռացել էր դեպքի վայրից, և մնացել էին միայն նկարահանման խմբի աշխատակիցները: Այս մասին հայտնում է Europe1-ը:
Նկարահանման հրապարակի մոտակայքում եղել է մոտ 20 հոգի, որոնք ցանկացել են ռեփերի հետ նկարահանվել: Վերջում, սակայն, աժիոտաժ է սկսվել, հնչել են կրակոցներ, հավաքվածները միմյանց ծեծել են մահակներով:
Այս ամենի հետևանքով երեք հոգի, այդ թվում նաև՝ տեսահոլովակի ռեժիսորը, վնասվածքներ են ստացել:
Կրակողները փախել են դեպքի վայրից՝ մինչև ոստիկանության գալը: Իրավապահ մարմինները սկսել են հետաքննությունը:
