Արտակ Սարգսյանը հարցաքննվել է
Ազգային ժողովի նախկին պատգամավոր Արտակ Սարգսյանը` «ՍԱՍ»–ի Արտակը, հարցաքննվել է։ Այս մասին Sputnik Արմենիային հայտնեց Քննչական կոմիտեի տեղեկատվության և հասարակայնության հետ կապերի բաժնի պետ Նաիրա Հարությունյանը։
«Արտակ Սարգսյանը ներկայացել է Քննչական կոմիտե և հարցաքննվել։ Դեռևս հունիսին հարուցված քրեական գործով նա ունի վկայի կարգավիճակ»,–ասաց Հարությունյանը։
Հիշեցնենք, որ օրեր առաջ հայտնել էինք, որ նա հրավիրվել է հարցաքննության։ Իսկ ավելի վաղ` 2019–ի հունիսի 5-ին Երևանում՝ Terrazza ռեստորանի տարածքում, միջադեպ էր տեղի ունեցել Արտակ Սարգսյանի մասնակցությամբ։ Նշվում էր, որ բարձր խոսելու համար վիճաբանություն և ծեծկռտուք էր եղել։ Հարուցվել էր քրեական գործ:
Մամուլում լուրեր էին տարածվել, որ Արտակ Սարգսյանը ոստիկանությունում բացատրություն էր տվել ու հերքել իր մասնակցությունը միջադեպին։ Ոստիկանությունը ո՛չ հերքել, ո՛չ էլ հաստատել էր բացատրություն տալու մասին լուրերը։
