Ամուլսարի աշխատելն ու չաշխատելը կունենա տնտեսական ազդեցություն. Ջանջուղազյան

ՀՀ ֆինանսների նախարար Ատոմ Ջանջուղազյանն այսօր կառավարության նիստից հետո լրագրողների հետ զրույցում անդրադարձավ հարցին՝ ի՞նչ ազդեցություն կունենա Ամուլսարի չաշխատելը պետական բյուջեի եկամուտների վրա:

Ջանջուղազյանը նշեց՝ այս դեպքում չի կարելի ասել, որ դա «հարված» կլինի բյուջեի համար, սակայն կունենա որոշակի ազդեցություն:

«Պետական բյուջեի եկամուտների կանխատեսում չի կատարվում առանձին վերցրած՝ ըստ կազմակերպությունների, կատարվում է՝ հիմք ընդունելով վիճակագրությունը և մակրոցուցանիշները, հետևաբար, առանձին կազմակերպության ազդեցության մասին դատողությունը տեղին չէ, ինչ չափով որ ազդեցություն կունենա աշխատելու դեպքում, նույն չափով էլ՝ չաշխատելու դեպքում»,- ասաց նա: