Թբիլիսիում պատշգամբի փլուզումից զբոսաշրջիկներ են տուժել

Թբիլիսիի հին, պատմական թաղամասերից մեկում պատշգամբի  փլուզման հետևանքով տուժել է 5 մարդ: Այս մասին հաղորդում է Վրաստանի Առաջին ալիքը: Վթարված շենքում տեղակայված է հյուրանոց: Փլուզման հետևանքով 5 տուժածներից 3-ը եղել են նույն շենքում իջևանած զբոսաշրջիկներ։

Ըստ Արտակարգ իրավիճակների ծառայության՝ բոլոր տուժածները ստացել են թեթև վնասվածքներ, այդուամենայնիվ, շտապօգնության կանչ է գրանցվել: Բոլոր տուժածները հետազոտության նպատակով հոսպիտալացվել են։