ԱՄՆ-ում թեթևշարժիչ ինքնաթիռն ընկել է բնակելի տան վրա, կա զոհ
ԱՄՆ Նյու Յորք նահանգում Cessna 303 թեթևշարժչային ինքնաթիռն ընկել է բնակելի տան վրա, հաղորդում է NBC New York-ը:
Միջադեպը տեղի է ունեցել տեղի ժամանակով 4:15-ի սահմաններում: Ինքնաթիռում գտնված 3 անձանցից մեկը զոհվել է: Վթարի պահին տանը 3 մարդ է գտնվել՝ երկու կին և մեկ տղամարդ: Կանանցից մեկը ծանր վնասվածնքներով հոսպիտալացվել է, մյուսը չի տուժել, մինչդեռ տղամարդն անհետ կորած է համարվում:
Իշխանությունների խոսքով՝ տունն ամբողջությամբ ոչնչացվել է: Զոհերի և տուժածների անունները չեն հրապարակվում:
