Պայթյուն է որոտացել Սիրիայի հյուսիսարևելյան շրջանում
Սիրիայի հյուսիսարևելյան Հասակա նահանգում տեղի ունեցած պայթյունի հետևանքով «Սիրիական դոմոկրատական ուժեր» (SDF) զորամիավորման 4 մարտիկ է զոհվել, որոնք հերթապահություն էին իրականացնում: Այս մասին հաղորդում է РИА Новости-ն՝ հղում անելով «Ալ-Վաթան» կառավարամետ լրատմավիջոցին:
«SDF-ի զինվորական հերթապահության 4 մարտիկ է մահացել Ալ-Հասակա քաղաքից արևմուտք ընկած Ալ-Համա գյուղի մոտակայքում պայթուցիկի գործարկման հետևանքով», - հաղորդում է աղբյուրը:
Ահաբեկչական խմբավորումներից ոչ մեկը դեռ չի ստանձնել կատարվածի պատասխանատվությունը:
Սիրիայի հյուսիսարևելյան շրջանները գտնվում են քրդական ջոկատների հիման վրա կազմավորված «Սիրիական դեմոկրատական ուժեր» միավորման վերահսկողության տակ, որին աջակցում է ԱՄՆ-ն: Դամասկոսն ավելի վաղ հայտարարել էր, որ նրանց գործողություններն անօրինական է համարում:
