Սանկտ Պետերբուրգում հանրահավաքի տասնյակ մասնակիցներ ձերբակալվել են

Սանկտ Պետերբուրգում «Гостиного двор» հյուրատան մոտ ոստիկանությունը ձերբակալել է Մոսկվայում ազատ ընտրությունների պահանջով արտոնված հանրահավաքի մասնակիցներին սատարող ակցիայի 65 մասնակցի, հաղորդում է meduza.io-ն:

Ակցիան տեղի է ունեցել միայնակ պիկետների ձևաչափով: Հաղորդվում է, որ մասնակիցները հերթով պաստառներով են կանգնել:   

Հաղորդվում է, որ ձերբակալվել են մի շարք լրագրողներ: «Նովայա գազետան» հայտնել է, որ ակցիայի ժամանակ ձերբակալվել է իրենց լրագրող Լիլիթ Սարգսյանը:

Ընդհանուր առմամբ, աղբյուրի փոխանցմամբ՝ հյուրատան մոտ այժմ գտնվում է մոտ 300 մարդ:

Օգոստոսի 10-ին Մոսկվայի Սախարովի պողոտայում ընթանում է ազատ ընտրությունների պահանջով արտոնված հանրահավաքը: