Հրդեհ Գյումրի քաղաքի օդանավակայանի տարածքում. ԱԻՆ
Այսօր, ժամը 15:55-ին «911» ծառայությանն ահազանգ է ստացվել, որ Շիրակի մարզի Գյումրի քաղաքի օդանավակայանի տարածքում այրվում է խոտածածկ տարածք:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Sputnik Արմենիային Շիրակի մարզային փրկարարական վարչության պետ Ալեքսան Գյոզալյանը տեղեկացրել է, որ Շիրակի մարզի փրկարարական վարչությունը հրդեհի մասին ահազանգն ստացել է ժամը 15:55-ին։ «Այս պահին տարածքում ընթանում են հրդեհաշիջման աշխատանքներ: Այրվում է չոր խոտածածկ տարածք։ Հրդեհը օդանավակայանի տարածքից բավական հեռու է,-նշեց Գյոզալյանը:
Հրդեհը մեկուսացվել է ժամը 17:00-ին:
