ՏԵՍԱՆՅՈՒԹ. Մեր միջոցներով տոմս ենք գնելու, որ մարդիկ Հուրգադայից գան Հայաստան. տուրօպերատոր
Եգիպտոսում ՀՀ դեսպանությունը տեղեկացնում է, որ հուլիսի 25-ին Հուրգադա-Երևան թիվ OTF 3703 չվերթի չեղարկման պատճառով, այս պահի դրությամբ, Հուրգադայում գտնվում է ՀՀ մոտ 100 քաղաքացի։
Երևանի տուրիստական գործակալություններից մեկի ներկայացուցիչ Արուսիկ Ղուկասյանը Shantnews.am-ի հետ զրույցում նշեց, որ տվյալ 100 քաղաքացիների թվում կան իրենց տուրիստական ծառայությունից օգտված մարդիկ, և նրանք ամբողջ գիշեր անցկացրել են ավիաընկերության գրասենյակում.
«Կոմպենսացում պահանջելու ենք, թե ումից՝ դեռ չգիտենք, սպասում ենք: Ոչ ոք օգնություն չի տրամադրում: Մենք մեր միջոցներով փորձում ենք նրանց տեղավորել հյուրանոցներում: Եթե ոչինչ չլինի, մեր միջոցներով տոմս ենք գնելու, որ մարդիկ գան Հայաստան»:
Տեսանյութը` Shantnews.am-ի:
