Փաշինյանի հայրական տան մոտ հսկողություն չի իրականացվում. ոստիկանություն
Իջևանում՝ ՀՀ վարչապետ Նիկոլ Փաշինյանի հայրական տան մոտ ոստիկանությունը հսկողություն չի իրականացնում:
Այս մասին Tert.am-ի հետ զրույցում ասացին ՀՀ ոստիկանության լրատվության վարչությունից. «Հրապարակված լուրը չի համապատասխանում իրականությանը»:
Հիշեցնենք, որ այսօր «Ժամանակ» օրաթերթը գրել էր,որ իջևանյան հայտնի իրադարձություններից հետո արդեն մեկ շաբաթ է, ինչ ոստիկանության պոստ է տեղադրվել վարչապետ Նիկոլ Փաշինյանի հայրական տան մոտ։ Ոստիկանությունը մտավախություն ունի, որ իջևանցիները կարող են վրեժխնդիր լինել Փաշինյանի ազգականներից։
