ՏԵՍԱՆՅՈՒԹ․ Աղբի աշտարակ Նոր Նորքի մանկապարտեզներից մեկի դիմաց
Այսօր վաղ առավոտյան KISS FM-ի ռադիոլսողներից մեկի առավոտը "կրկին նշանավորվեց աղբի աշտարակի հետ հանդիպմամբ", որը գոյացել էր Նոր Նորքի 4-րդ զանգվածի մանկապարտեզներից մեկի անմիջապես դիմաց։
Մեր ռադիոլսողին տեխնիկական պատճառներով չէր հաջողվել զանգահարել "Սանիթեք"-ի և Երևանի քաղաքապետարանի թեժ գծերին (80-90, 105), քանի որ երեխային էր մանկապարտեզ տանում։ Բոլոր դեպքերում, մանկապարտեզների դիմաց նման հակասանիտարական վիճակը վտանգավոր է առաջին հերթին հենց երեխաների համար, որոնք շնչում են այդ օդը և ժամանակ անցկացնում այդ շրջակայքում։
Ցանկանում ենք հավատալ, որ գոնե հիմա, երբ արդեն իսկ խոստացված աղբատարներից 2-ը ժամանել են, ինչպես հայտնել էր քաղաքապետարանի մամուլի խոսնակ Հակոբ Կարապետյանը, Երևան քաղաքը գոնե որոշ չափով ավելի մաքուր և անվտանգ կլինի։
