ՏԵՍԱՆՅՈՒԹ. Չեմ ուզում ասել՝ նախկին ոստիկնապետերը վատն են, պուպուշը ես եմ. Օսիպյան

Քանի դեռ կա հանցագործություն, բախում է լինելու հանցագործի և ոստիկանի միջև: Այս մասին ամփոփիչ ասուլիսի ընթացքում խոսել է ՀՀ ոստիկանապետ Վալերիյ Օսիպյանը՝ պատասխանելով այն հարցին, թե արդյո՞ք ոստիկանն այսօր անպաշտպան է՝ հաշվի առնելով, որ վերջին շրջանում հարձակումների է ենթարկվում:

«Չեմ ուզում ասել՝ նախկին ոստիկնապետերը վատն են, ամենալավը, պուպուշը ես եմ: Ո՛չ: Եղել է բոլոր ժամանակներում և լինելու է: Քանի դեռ կա հանցագործություն, լինելու է հանցագործ-ոստիկան բախում: Դա միշտ լինելու է: Ինչի նախկինում ոստիկանի գլուխ չեն ջարդե՞լ, նախկինում ոստիկան չեն սպանե՞լ օրը ցերեկով: Բայց եկեք, տեսեք, որ այս մեկ տարի և ավելին ոստիկանությունն օպերատիվ իրավիճակին լիովին տիրապետում է, ունի համապատասխան կամք և սկզբունք՝ պայքարելու արատավոր երևույթների դեմ, արդյունավետ պայքար մղելու հանցավորության դեմ, ըստ պատշաճի պահպանելու հասարակական կարգը և թույլ չտալու, որ որևէ մեկը հասարակական կարգի նկատմամբ ոտնձգություն կատարի: Տեղում խստագույնս կպատժվի»,-աասց նա:

Տեսանյութը` Shantnews.am-ի: