Գինի՜ լից, հոկտեմբերին վերադառնում եմ Երևան. Ալեքսիս Օհանյան
ԱՄՆ-ում բնակվող հայ գործարար, համաշխարհային ճանաչում ունեցող Reddit կայքի հիմնադիր Ալեքսիս Օհանյանը ֆեյսբուքյան իր էջում գրել է. «Գինի՜ լից, հոկտեմբերին վերադառնում եմ Երևան, որ խոսեմ Տեղեկատվական տեխնոլոգիաների համաշխարհային կոնգրեսի ժամանակ»:
Նշենք, որ Տեղեկատվական տեխնոլոգիաների համաշխարհային կոնգրեսը (WCIT-2019) մեկնարկելու է հոկտեմբերի 6-ին, իսկ հայազգի մասնագետը Հայաստան է հրավիրվել՝ այդ միջոցառման քննարկումներից մեկը վարելու։ Նույն միջոցառմանը մասնակցելու են նաև ՏՏ գերհսկաների՝ Facebook, Google, Amazon ընկերությունների բարձրաստիճան ներկայացուցիչներ։
