Ռուսաստանի Խաբարովսկի երկրամասում լեռնադահուկային հանգստավայրում տեղակայված վրանային ճամբարում հրդեհի հետևանքով զոհերի թիվը 4-ի է հասել։ Բոլոր զոհերը երեխաներ են՝ 3 աղջիկ և 1 տղա:  Այս մասին տեղեկանում ենք «Վեդոմոստի»-ից: 

Աղջիկներից մեկը տեղում է մահացել, մյուս երեքը՝ ավելի ուշ՝ հիվանդանոցի վերակենդանացման բաժանմունքում։ Բացի այդ՝ 12 տուժած կա՝ 5 մեծահասակ և 7 երեխա: Նշվում է, որ հրդեհի պահին ճամբարում 7-15 տարեկան 189 երեխա է եղել:

 Ճամբարի ղեկավար Մաքսիմ Կուզնեցովը ձերբակալվել է։ Նրանից բացի՝ ձերբակալվել է նաև «Էքստրիմ Սերվիս» ԲԲԸ տնօրեն Վիտալի Բուրլակովը։ Վրանային ճամբարը վերջինի ընկերության սեփականությունն էր։ 

Ինչպես արդեն հայտնել էինք, մասնավոր վրանային ճամբարում հրդեհը բռնկվել էր հուլիսի 22-ի երեկոյան: