Ջրամատակարարման գրաֆիկի խախտումներ կլինեն. «Վեոլիա Ջուր»
Ինչպես հայտնի է, վերջին ժամերին Երեւանի ՋԷԿ-ի եւ Հրազդանի 5-րդ բլոկի վրա առաջացել են տեխնիկական բնույթի խնդիրներ, որի հետեւանքով դադարեցվել է նաեւ «Վեոլիա Ջուր» ընկերության համակարգի պոմպակայանների աշխատանքը:
Հաշվի առնելով այն, որ ջրի զգալի մասը տրվում է սպառողներին պոմպակայանների միջոցով, դա չէր կարող չանդրադառնալ նաեւ ջրամատակարարման կայունության վրա։
Վեոլիա Ջուրը ներկայումս ձեռնարկում է միջոցներ՝ աղբյուրներից ինքնահոս եղանակով ստացվող ջրի արդյունավետ վերաբաշխման միջոցով նվազագույնի հասցնել սպառողներին պատճառվող կենցաղային անհարմարությունները։
