ՏԵՍԱՆՅՈՒԹ. Գյումրիում. «ԶԻԼ»-ը գլխիվայր հայտնվել է փողոցի մեջտեղում
Այսօր կեսօրին Գյումրիում՝ Մուսայելյան փողոցում, իրար են բախվել «ԶԻԼ» մանիշի բեռնատար-ջրատարը և BMW մակնիշի մարդատարը: Ինչպես հաղորդում է SHANTNEWS.am-ը, բախման հետևանքով «ԶԻԼ» մակնիշի բեռնատարը գլխիվայր հայտնվել էր բանուկ փողոցի մեջտեղում:
Լրատվականը հայտնում է, որ վարորդը՝ 58-ամյա Սամվել Նիկոլյանը, մարմնական վնասվածքներով տեղափոխվել էր «Գյումրի» բժշկական կենտրոն, որտեղից հայտնեցին, որ վարորդը ստացել է միջին աստիճանի մարմնական վնասվածքներ:
Նշենք, որ վթարված «ԶԻԼ» մակնիշի ջրատար մեքենան պատկանում է Մերձմոսկովյան շինարարական ընկերությանը, որը Երևանյան խճուղու փողոցաշինական աշխատանքներ է այս պահին իրականացնում: Վթարից րոպեներ առաջ վարորդը շինհրապարակից ուղևորվել է՝ մեքենան ջրով լիցքավորելու, բայց տեղ չհասած՝ բախվել է Հենրիկ Պոսոսյանի վարած BMW մակնիշի ավտոմեքենային։ Վերջինիս վարորդը չի տուժել։
Ճանապարհային ոստիկանության քննիչները դեպքի վայրում կատարում էին չափագրումներ` վթարի հանգամանքները ճշտելու նպատակով: Ավտովթարի պատճառով 2 ժամից ավելի Մուսայելյան փողոցը երկկողմանի փակ է մնացել, իսկ երթևեկությունը ժամանակավորապես շրջանցիկ էր դարձել հարակից նրբանցքներով։
