«Զբոսաշրջիկները պաշտում են Վրաստանը, պետք է գալու հնարավորություն ունենան».Ս. Զուրաբիշվիլի
Վրաստանի նախագահ Սալոմե Զուրաբիշվիլին Euronews-ին տված հարցազրույցում մեկնաբանելով ՌԴ նախագահ Վլադիմիր Պուտինի՝ Վրաստան թռիչքները կասեցնելու մասին որոշումը հայտարարել է, որ ռուս զբոսաշրջիկները պետք է ունենան հնարավորություն ժամանել Վրաստան, իսկ խնդիրները պետք է լուծել քաղաքական գործիչների հետ:
«Իմ պատասխանն այսպիսին է՝ զբոսաշրջիկները պետք է հնարավորություն ունենան գալ մեզ մոտ, քանի որ նրանք պաշտում են Վրաստանը:
Իսկ քաղաքական գործիչները ու ղեկավարները պետք է խնդիրների լուծումը գտնեն, որը դարձել է տեղի ունեցածի պատճառը: Այդ խնդիրը լուծելը նշանակում է դարձյալ միավորել վրացական տարածքները, սակայն դա չպետք է ոչ մի պարագայում ազդի զբոսաշրջիկների և բնակչության վրա, չպետք է ազդի այն խաղաղ իրավիճակի վրա, որը ստեղծել է Վրաստանում»,- հայտարարել է Զուրաբիշվիլին:
Նա նկատել է, որ Մոսկվայի հետ հարաբերություններում լարվածությունը նոր չէ, որ առաջացել է, սակայն նախկինում «դա չի խանգարել, որ մեկուկես միլիոն ռուսաստանցիներ այցելեն Վրաստան»:
