Արդեն որոշված է այն վայրը, որտեղ Գյումրիում գտնվելու է մաքսատունը. Փաշինյան
Հայաստանի կառավարությունում արդեն քննարկվել են ՊԵԿ ռազմավարության հարցերը, և արդեն որոշված է այն վայրը, որտեղ Գյումրիում գտնվելու է մաքսատունը։ Այս մասին վարչապետ Նիկոլ Փաշինյանն ասաց Ազգային ժողովում պատգամավոր Մանե Թանդիլյանի հարցին պատասխանելիս։
Հարցը վերաբերում էր Փաշինյանի հանձնարարությանը, որի համաձայն՝ Նորագավիթի մաքսատունը պետք է տեղափոխվեր Գյումրի։ Վարչապետն ասաց, որ Գյումրիում ոչ միայն մաքսատուն է լինելու, այլ ավելի մեծ ենթակառուցվածք, որն իրենք անվանում են արտաքին տնտեսական գործունեության կենտրոն։
Եվ ևս մեկ կենտրոն, ըստ Փաշինյանի, կառուցվելու է Սիսիանում։
Նրա խոսքով՝ լուրջ ներդրումներ պետք է կատարվեն, ու հիմա վիթխարի շինարարություն է իրականացվում։
