Ինչպես արդեն հայտնել ենք, մայիսի 25-ին «Սասնա Ծռեր»-ը ավտոերթով գնացել են Արցախ և վերադառնալու են մայիսի 28-ին՝ ուշ երեկոյան։ Կուսակցության ֆեյսբուքյան էջում հրապարակված տեսանյութում երևում է, որ Վարդենիսից Արցախ գնալու ճանապարհին գտնվող «Արցախի Հանրապետություն Բարի գալուստ Արցախ» ցուցանակի վրա նրանք փակցրել էին «Բարի գալուստ մարզ Արցախ» պաստառ։ «Սասնա Ծռերի» մամուլի խոսնակ Հերմինե Մկրտչյանն ArmDaily. am-ի հետ զրույցում նշեց, որ իրենք պաստառը փակցրել են ու շարունակել ճանապարհը. «Մենք այս պահին Մարտունիում ենք, տեղյակ չեմ հանել են, թե ոչ»։ Լրատվամիջոցը ականատեսից տեղեկացավ, որ ցուցանակից պաստառը հեռացվել է։