ՏԵՍԱՆՅՈՒԹ. Գագիկ Հարությունյանի հրաժարականի առթիվ ԱԺ-ում ծափեր հնչեցին

ԱԺ լսումների ընթացքում ՀԱԿ փոխնախագահ Արամ Մանուկյանն իր ելույթը սկսեց շնորհավորանքով, որ ԲԴԽ նախագահ Գագիկ Հարությունյանը հրաժարական է տվել, աԱյնուհետև նա խոսեց անցումային արդարադատության մասին: «Սա կոնկրետ քայլ է այն խնդրի ուղղությամբ, որի մասին խոսում ենք: Իրոք, շնորհավորելու հարց է»,-ասաց նա: «Երրորդ իշխանությունն այսօր ակնհայտ սաբոտաժ է անում: Սրա դեմը չառնելը հանցագործություն է, խնդիրը հումանիստական է, նպատակը մարդու իրավունքների պաշտպանությունն է: Բոլոր նրանք, ովքեր փորձում են այստեղ վենդետա գտնել, ամենևին, այդպես չէ: Քաղաքական կամք կա, բայց դա շատ քիչ է պրոցեսը մինչև վերջ տանելու համար»,-ասաց Մանուկյանը: Նա առաջարկեց վիրահատական մի քանի քայլեր անել, որպեսզի դատական համակարգը լավ աշխատի: «Մենք հրապարակել ենք գիրք, այստեղ դուք կգտնեք բոլոր այն մարդկանց մասին տվյալներ և անուններ, որոնց ուզում ենք ներկայացնել վեթինգի: 42 դատավորի անուն կա այստեղ, 27 դատախազի անուն կա այստեղ, որոնց նկատմամբ հարկավոր է ոչ թե վեթինգ, այլ քրեական հետապնդում իրականացնել»,-ասաց նա: Տեսանյութը` Shantnews am-ի: