Հայաստանի Ազգային ժողովի նիստերի դահլիճում ԱԺ նախագահ Արարատ Միրզոյանի նախաձեռնությամբ ընթանում են խորհրդարանական լսումներ` «Անցումային արդարադատության գործիքների կիրառման հեռանկարները Հայաստանում» խորագրով: Արարատ Միրզոյանի՝ բացման խոսքից հետո արդարադատության նախարարի տեղակալ Աննա Վարդապետյանը կներկայացնի «Անցումային արդարադատության ինստիտուտի միջազգային իրավական հիմքերը»: Այնուհետեւ ICTJ փորձագետ Ռուբեն Կարանզան կներկայացնի «Անցումային արդարադատության որոշ գործիքների վերաբերյալ» զեկույցը: Իրավաբանների հայկական ասոցիացիայի նախագահ Կարեն Զադոյանն էլ կներկայացնի «Անցումային արդարադատության մեխանիզմների կիրառելիության հնարավորությունը ՀՀ-ում` միջազգային փորձի լույսի ներքո» զեկույցը: Լսումներին մասնակցողները հնարավորություն կունենան հարցեր ուղղել զեկուցողներին: