Աբովյան փողոցում տեղադրված տաղավարի սեփականատերը տուգանվել է. Կարապետյան
Երևանի Աբովյան փողոցի՝ Օղակաձև զբոսայգու հատվածում տեղադրված տաղավարի սեփականատերը տուգանվել է 200 000 դրամով, այս մասին ֆեյսբուքյան իր էջում տեղեկացնում է Երևանի քաղաքապետի մամուլի խոսնակ Հակոբ Կարապետյան:
«Երևանի քաղաքապետարանի աշխատակազմի քաղաքաշինության և հողի վերահսկողության վարչությունը տուգանքը կիրառել է ՎԻՎ օրենսգրքի 154 հոդվածի համաձայն (շենքերի եւ շինությունների ինքնակամ կառուցելը)»,– գրել է նա:
Ավելի վաղ Tert.am–ի հետ զրույցում Հակոբ Կարապետյանն ասել էր, որ Երևանի Իսահակյան-Աբովյան խաչմերուկում տեղադրվող նոր կրպակը, եթե ոչ այսօր, ապա վաղը կապամոնտաժվի: Նա նաև նշել էր, որ տնտեսվարողն իրեն պատկանող տարածքում զովացուցիչ ըմպելիքի ժամանակավոր վաճառքով զբաղվելու համար դիմել է կենտրոն վարչական շրջանի ադմինիստրացիա, որտեղից չեն առարկել:
«Այնինչ, տաղավարի փոխարեն տեղադրել են կրպակ, այն էլ ոչ այն տարածքում, որի համար դիմել էին: Կրպակը, եթե ոչ այսօր, ապա վաղը ապամոնտաժված կլինի»,- ասել էր Հակոբ Կարապետյանը:
