ՏԵՍԱՆՅՈՒԹ. Հայկական քոչարին ցնծությամբ են ընդունել Պեկինում
ՀՀ վարչապետի հրապարակած տեսանյութում երևում է, թե ինչպես են մարդիկ արձագանքում հայկական համույթի ելույթին։
ՀՀ վարչապետ Նիկոլ Փաշինյանը Facebook սոցիալական ցանցի իր էջում մոտ մեկ րոպե տևողությամբ տեսագրություն է հրապարակել, որում երևում է, թե ինչպես է հանդիսատեսն արձագանքում քոչարի պարող համույթի ելույթին։
«Պեկինի օլիմպիական մարզադաշտը ցնծությամբ ընդունեց հայկական Քոչարին՝ ասիական մշակութային փառատոնում»,– տեսագրությանը կից գրել է Փաշինյանը։
ՀՀ վարչապետն ու նրա կինը` Աննա Հակոբյանը, այժմ Չինաստանում են։ Նրանց այցից առաջ տարածված հաղորդագրության մեջ նշվում էր, որ Փաշինյանն ու Հակոբյանը պետք է ներկա լինեին գալա համերգի, որի ընթացքում ելույթով պետք է հանդես գար Հայաստանի պարարվեստի «Բարեկամություն» պետական համույթը:
