Արթուր Դավթյանը` ներկա կգտնվի Մարտի 1-ի գործով դատավարությանը
Հայաստանի գլխավոր դատախազ Արթուր Դավթյանը, հնարավոր է, որպես պետական մեղադրող՝ ներկա գտնվի Մարտի 1-ի գործով նախկին պաշտոնյաների դատավարությանը:
«Ամեն բան հնարավոր է», - այսօր խորհրդարանում լրագրողների հետ ճեպազրույցում հայտարարեց ՀՀ գլխավոր դատախազ Արթուր Դավթյանը:
Արձագանքելով Քոչարյանի պաշտպանական խմբի այն դժգոհություններին, որ քրեական գործին ծանոթանալու համար իրենց պատշաճ ժամանակ հատկացված չէ, Գլխավոր դատախազն ասաց, որ իրենք, տրամադրելով 50 օրացույցային օր, հաշվի են առել փաստաբանների փորձառությունը:
Ինչ վերաբերում է դատախազի հնարավոր հրաժարականի մասին լուրերին, Արթուր Դավթյանն ասաց, որ չի պատրաստվում հրաժարական ներկայացնել:
