Հայաստանի իշխանությունները որոշել էին պայքար մղել շաքարի որոշակի պարունակություն ունեցող ըմպելիքների դեմ, քանի որ դա նաև առողջապահական խնդիրներ է առաջացնում։ Բայց արտադրողները ճիշտ փաստարկներ բերեցին, իշխանությունը հետ կանգնեց որոշումից։ Այս մասին այսօր ԱԺ նիստի ժամանակ հայտարարեց ՀՀ վարչապետ Նիկոլ Փաշինյանը։ Նա ասաց, որ այդ ըմպելիք արտադրողներն օրինակ են բերել, որ նույն կերպ շաքարի պարունակություն կա նաև քաղցրավենիքների մեջ։ Ու թեև ծխախոտը, շաքար պարունակող սննդամթերքը խնդիր են, որոնց պետք է անդրադառնալ, կառավարությունը որոշեց այս փուլում հետ կանգնել իր այդ որոշումից։ Փաշինյանը բացատրեց, որ սա նաև կառավարության երկխոսության արդյունք է, երբ իշխանությունները բաց են քննարկումների համար։