Ընկերությունը փորձում է ՀՀ-ում զրահամեքենաների արտադրություն սկսել, խանգարում են․ պատգամավոր
Այսօր Ազգային ժողովում պատգամավոր Տիգրան Կարապետյանը հայտարարեց, որ Կանադայի և Արաբական Միացյալ Էմիրությունների համատեղ ձեռնարկություններից մեկն արդեն 1 տարի է, ինչ փորձում է Հայաստանում զրահամեքենաների արտադրություն սկսել, բայց նրան խանգարում են։
Պատգամավորը խնդրեց՝ ուղղակի պարզել այդ մարդկանց շրջանակն ու նրանց հորդորել, որ չխանգարեն։
ԱԺ հանձնաժողովի նախագահ Անդրանիկ Քոչարյանը հարցրեց՝ կարո՞ղ են օժանդակել, Կարապետյանը պատասխանեց, որ կօժանդակեն։
ՊՆ փոխնախարար Գաբրիել Բալայանն էլ իր կողմից խոստացավ այս խնդրի մասին տեղեկացնել նախարար Տոնոյանին։
