Շոտլանդական Գլազգո քաղաքից իսպանական Տեներիֆե կղզի ուղևորվող օդանավի ուղևորները ծեծկռտուք են սարքել ոտաբոբիկ կնոջ պատճառով: Այս մասին հայտնում է Metro պարբերականը: Ryanair ավիաընկերության չվերթի ժամանակ ուղևորուհիներից մեկը օդանավի սրահում քայլել է առանց կոշիկների: Դա տեսնելով՝ գինովցած ուղևորը նրան նկատողություն է արել: Այդ պահին կնոջ ընկերն է միջամտել՝ պաշտպանելով ընկերուհուն: Շուտով բանավեճը վերածվել է ծեծկռտուքի: Ականատես ուղևորներից մեկը տեսագրել է նրանց կռիվը: Նշվում է, որ Տեներիֆեում վայրէջք կատարելուց հետո միջադեպի մասնակիցներին ձերբակալել են ոստիկանները: Ոստիկանությունը պարզում է կատարվածի հանգամանքները: