Պարգևատրումներ եղել են և կլինեն, բայց խելամտության շրջանակում. Անանյան
Զրույցն ավելի շատ ոչ թե ՊԵԿ շրջանակում էր, այլ տնտեսական իրավիճակ, կառավարություն-տնտեսվարող սուբյեկտ հարաբերությունների և այլն Այս մասին այսօր ԱԺ-ում լրագրողների հետ զրույցում ասաց Պետական եկամուտների կոմիտեի նախագահ Դավիթ Անանյանը՝ ԲՀԿ-ի հետ հանդիպման ավարտից հետո։
Հարցին՝ ԲՀԿ առաջնորդ Գագիկ Ծառուկյանի բիզնեսների հետ կապված հարկային արտոնությունների առաջարկ եղավ, ՊԵԿ նախագահը բացասական պատասխան տվեց. «Մեր զրույցը բավականին հաճելի էր, քննադատություններ հնչեցին ՊԵԿ-ի այս կամ այն գործառույթների հետ կապած և այլն»։
ՊԵԿ նախագահը, խոսելով պարգևավճարների մասին, նշեց․ «Մենք որոշակի վերադասավորումներ ենք արել, այսօր մենք ոչ թե որպես պարգևավճարներ ենք տալիս, այլ համարեք, որ դրանք աշխատավարձի հավելավճարներ են, որպես արժանապատիվ վարձատրություն տալու մեխանիզմ։ Այո՛, պարգևատրումներ եղել են այս ամիս, լինելու են նաև առաջիկայում, բայց լինելու են խելամտության շրջանակում»։
