Ինչ է ասել Ռիտա Սարգսյանըՙ Հախնազարյանի համերգին. Բաղրամյան 26 թելեգրամ ալիք

Այսօր Հայաստանի նախկին առաջին տիկին Ռիտա Սարգսյանը նույնպես ներկա էր գտնվել թավջութակահար Նարեկ Հախնազարյանի երևանյան համերգին: Այս մասին տեղեկացնում է Բաղրամյան 26 թելեգրամ ալիքը և հավելում, որ իր աղբյուրը «պատահաբար լսել է տիկնոջ զրույցը ընկերուհու հետ»: Ըստ թելեգրամ ալիքի աղբյուրիՙ Ռիտա Սարգսյանը դժգոհել է, որ նախագահ Արմեն Սարգսյանի պաշտոնական լուսանկարիչն այլևս իրեն չի նկարահանում, և որ իրեն չնկարահանելու հրաման կա: «Եվ երբ նախագահի մամուլի ծառայության լուսանկարիչը մոտեցավ նրան, սիրալիրություն ցուցաբերեց, նա զարմացած հարցրեց. «իսկ դու չե՞ս ուզում ինձ նկարահանել». Լուսանկարիչը ամոթահար ժպտաց և հեռացավ»,- հայտնել է աղբյուրը,- շարունակելով,- «Ես հստակ չգիտեմ, թե ում մասին էր հատկապես նա խոսում, բայց ասաց հետևյալը. մենք ստիպված եղանք հեռանալ Ղարաբաղից, քանի որ իրենք այնտեղ էին, և որպեսզի նույն օդը չշնչենք, մենք ստիպված եղանք հեռանալ»: