Նախագահն ստորագրել է ծառայությունից խուսափած քաղաքացիների մասին օրենքը

Հանրապետության նախագահ Արմեն Սարգսյանը ստորագրել է «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» Հայաստանի Հանրապետության օրենքում փոփոխություններ կատարելու մասին» Հայաստանի Հանրապետության օրենքը։ Այս մասին տեղեկանում ենք ՀՀ նախագահի պաշտոնական կայքից: Հիշեցնենք, որ այս օրենքով 27 տարին լրացած, պարտադիր զինվորական ծառայությունից խուսափած քաղաքացիներին հնարավորություն է տրվում սահմանված ժամկետում մուծել օրենքով սահմանված դրույքաչափերին համապատասխան վճարը և, վերադառնալով հայրենիք, ազատվել քրեական հետապնդումից: