Գագիկ Ծառուկյանի գործով դատական նիստն ավարտվել է

Գագիկ Ծառուկյանի գործով դատական  նիստն ավարտվել է։ Դատարանը գնացել է խորհրդակցական սենյակ՝ որոշում կայացնելու։ Այս մասին լրագրողներին ասել է փաստաբան Երեմ Սարգսյանը։

Հիշեցնենք՝ ԲՀԿ առաջնորդի տանը երեկ խուզարկություններ էին կատարվել, ինչից հետո Գագիկ Ծառուկյանը ձերբակալվել է։

Քննչական կոմիտեն հայտնել էր, որ վայրի կենդանի կամ թռչուն ապօրինի որսալու դեպքի առթիվ նախաձեռնված քրեական վարույթի նախաքննության ընթացքում Գագիկ Ծառուկյանին պատկանող առանձնատնից առգրավվել են տարբեր կենդանիների և թռչունների 190 հատ խրտվիլակ, ինչպես նաև 3 առյուծ և 1 վագր, որոնք ճանաչվել են որպես իրեղեն ապացույց և տեղափոխվել Կենդանաբանական այգի։ 

Կոմիտեից նշել են, որ Ծառուկյանի առանձնատանը պահվող մյուս կենդանիները նախատեսվում է առգարվվել և պատասխանատու պահպանությանը հանձնել հաջորդող օրերին: